जुम्ला । राष्ट्रिय प्रजातन्त्र पार्टीले कर्णाली प्रदेशको जुम्लाबाट प्रतिनिधिसभा सदस्यका लागि खाता खोलेको छ । जुम्लाको प्रतिनिधि सभा सदस्यमा राप्रपाका ज्ञानेन्द्र शाही निर्वाचित भएसँगै राप्रपाको पहिलो खाता खुलेको हो ।
शनिबार सम्पन्न मतगणनाअनुसार शाही १४ हजार८१६ मतसहित निर्वाचित भएका छन्। उनका निकटतम प्रतिस्पर्धी नेपाली कम्युनिष्ट पार्टीका नरेश भण्डारीले ११ हजार ६३५ मत पाएका छन् ।
त्यस्तै कांग्रेसका दिपबहादुर शाहीले ७ हजार १४३ मत पाउँदा नेकपा एमालेका शान्तिलाल महत ४ हजार ५१८मतमा चित्त बुझाउन बाध्य भएका छन् ।
देशभर रास्वपाका उम्मेदवारको विजयीको लगातार समाचार आइरहँदा जुम्लामा रास्वपाका उम्मेदवार विनिता कठायतलगायतको भने जमानत जफत भएको छ। उनले ४२१ मत मात्र प्राप्त गरेकी छन् ।
प्रतिक्रिया