काठमाडौँ । फागुन २१ को निर्वाचनबाट सर्वाधिक मत ल्याएर संरुसदमा एकल बहुमतको शक्ति बनेको राष्ट्रिय स्वतन्त्र पार्टी (रास्वपा) ले प्रतिनिधिसभामा समानुपातिक सांसदको नाम टुँगो लगाएको छ । रास्वपाको केन्द्रीय सचिवालय बैठकले समानुपातिक सांसदका लागि ५७ जनाको नाम टुँगो लगाएको हो ।
सो पार्टीले आजै सिफारिस भएकाहरूको सूची निर्वाचन आयोगमा बुझाउने भएको छ । समानुपातिक सिफारिसमा कोको परे भन्ने विवरण भने रास्वपाले खुलाएको छैन । निर्वाचन आयोगले प्रस्तुत नामावली रुजु गरेर स्वीकृत गरेपछि मात्रै नाम सार्वजनिक हुने रास्वपा प्रवक्ता मनिष झाले जानकारी दिए ।
बैठकले १७ जना खसआर्य, १६ जना जनजाति, तीन जना मुस्लिम, आठ जना दलित, नौ जना मधेसी तथा चार जना थारु ‘क्लस्टर’बाट सिफारिस गरिएको बैठकपछि प्रवक्ता झाले सञ्चारकर्मीहरूलाई जानकारी दिए ।
प्रतिक्रिया