काठमाडौं । स्थानीय बजारमा सुनको मूल्य सोमबार पनि घटेको छ।
नेपाल सुनचाँदी व्यवसायी महासंघका अनुसार सोमबार सुनको मूल्य प्रतितोला ६ हजार ५०० रुपैयाँले घटेर दुई लाख ७५ हजार ५०० रुपैयाँ कायम भएको छ।
यसअघि आइतबार पनि सुनको मूल्यमा ठूलो गिरावट आएको थियो। आइतबार प्रतितोला १२ हजार ५०० रुपैयाँले घट्दै दुई लाख ८२ हजार रुपैयाँमा कारोबार भएको थियो।
यस्तै, चाँदीको मूल्य पनि घटेको छ। सोमबार चाँदीको मूल्य तोलामा ११५ रुपैयाँले घटेर प्रतितोला चार हजार ४२५ रुपैयाँ निर्धारण गरिएको महासंघले जनाएको छ।
अघिल्लो दिन चाँदी प्रतितोला चार हजार ५४० रुपैयाँमा कारोबार भएको थियो।
प्रतिक्रिया