काठमाडौं । स्थानीय बजारमा सुनको मूल्य आज पनि घटेको छ। नेपाल सुनचाँदी व्यवसायी महासंघका अनुसार आज सुनको मूल्य प्रतितोला १ हजार ६०० रुपैयाँले घट्दै २ लाख ७३ हजार ९०० रुपैयाँ कायम भएको छ।
यसअघि अघिल्लो कारोबार दिन सुनको मूल्य प्रतितोला ६ हजार ५०० रुपैयाँले घटेर २ लाख ७५ हजार ५०० रुपैयाँमा कारोबार भएको थियो।
यता चाँदीको मूल्य भने आज सामान्य रूपमा बढेको छ। अघिल्लो दिन प्रतितोला ४ हजार ४२५ रुपैयाँमा कारोबार भएको चाँदी आज ८० रुपैयाँले बढ्दै ४ हजार ५०५ रुपैयाँ पुगेको नेपाल सुनचाँदी व्यवसायी महासंघले जनाएको छ।
प्रतिक्रिया