बर्दिया । नेपालगन्ज-गुलरिया सडक खण्डको बर्दियाको गणेशपुरमा स्थानीयबासी र प्रहरीबीच झडप हुँदा कम्तीमा १० जना प्रहरी घाइते भएका छन् । हुलाकी राजमार्ग अवरुद्ध गरेका स्थानीयबासीको अवरोध हटाउन पुगेको प्रहरी टोलिमाथि स्थानीयले ढुँगामुढा गर्दा १० बढी प्रहरी घाइते भएका हुन् ।
भारतमा गएर लागुऔषध सेवन गरेका स्थानीय दुई युवाको मृत्यु भएपछि स्थानीयबासीले सीमा व्यवस्थापन र लागु औषध नियन्त्रणको माग राख्दै आज बिहानैदेखि हुलाकी राजमार्ग अवरुद्ध गरेका थिए । राजमार्गको अवरोध हटाउन पुगेको प्रहरीमाथि स्थानीयबाट ढुँगामुढा प्रहार भएको प्रहरीले जनाएको छ ।
स्थिती नियन्त्रणमा लिन प्रहरीले हवाई फायर गर्नुका साथै केही राउण्ड अश्रु ग्याँस प्रहार गरेको प्रत्यक्षदर्शीले बताएका छन् । गुलरिया नगरपालिका ११ गणेशपुरका २ युवाले भारतीय बजारमा गएर खाएको अज्ञात लागु औषधबाट उनीहरुको मृत्यु भएको बताइएको छ ।
प्रतिक्रिया