सरकारका प्रवक्ता भन्छन् – टीयू क्रिकेट मैदान भत्किने हल्ला निराधार

काठमाडौं । सरकारका प्रवक्ता तथा शिक्षामन्त्री सस्मित पोखरेलले त्रिभुवन विश्वविद्यालय परिसरमा रहेको क्रिकेट मैदान भत्काइने भन्ने चर्चा असत्य रहेको बताएका छन्।

सोमबार बसेको मन्त्रिपरिषद् बैठकपछि सञ्चारकर्मीसँग संक्षिप्त प्रतिक्रिया दिँदै उनले टीयू क्रिकेट मैदानबारे फैलिएको हल्लामा कुनै सत्यता नभएको स्पष्ट पारे।

मन्त्री पोखरेलका अनुसार सोमबार बिहान मात्रै त्रिविका पदाधिकारीसँग यस विषयमा छलफल भएको थियो। उनले मैदान भत्काउने कुनै योजना नरहेको उल्लेख गरे।

‘अघिल्लो लिज सम्झौता सकिएको छ, अब नयाँ मोडालिटीमा भाडा सम्झौता गरिन्छ,’ उनले भने, ‘राज्यको यति ठूलो लगानी भएको संरचना भत्काइँदैन। समाप्त भएको लिजलाई नयाँ सम्झौतामार्फत निरन्तरता दिइनेछ।’