काठमाडौं । राष्ट्रिय स्वतन्त्र पार्टी (रास्वपा)का नवनिर्वाचित पदाधिकारी तथा केन्द्रीय सदस्यहरूले आज (बुधबार) शपथ ग्रहण गर्ने भएका छन् ।
चितवनमा सम्पन्न पार्टीको पहिलो महाधिवेशनबाट निर्वाचित पदाधिकारी तथा केन्द्रीय सदस्यहरूको शपथ ग्रहण कार्यक्रम पार्टीको केन्द्रीय कार्यालय, चमतीमा आयोजना हुने सचिवालयले जनाएको छ ।
महाधिवेशनबाट रवि लामिछाने पार्टीको सभापतिमा निर्वाचित भएका छन् । त्यस्तै, डा. स्वर्णिम वाग्ले र सोविता गौतम उपसभापतिमा तथा विपीन आचार्य महामन्त्रीमा निर्वाचित भएका छन् ।
शपथ ग्रहणसँगै नवनिर्वाचित नेतृत्वले औपचारिक रूपमा कार्यभार सम्हाल्नेछ भने पार्टीले नयाँ नेतृत्वको मार्गदर्शनमा आगामी राजनीतिक तथा संगठनात्मक गतिविधिलाई अघि बढाउने अपेक्षा गरिएको छ ।
प्रतिक्रिया