नेपालगन्ज । यसियन पेन्टस् च्याम्पियन कप अन्तर्गत जारी अण्डर –१८ फुटबल प्रतियोगिताको प्रदेशस्तरीय हुदै केन्द्रिय स्तरका लागि भोलि (मंगलवार) नेपालगन्ज रंगशालामा फाइनल खेल हुँदैछ । फाइनलमा नेपालगन्जको सगरमाथा इङ्लिस बोर्डिङ सेकेण्डरी स्कुल नेपालगन्ज र गण्डकी प्रदेशको गुरुकुल विद्या सदन आमनेसामने हुने भएका छन् ।
फाइनल खेलका लागि भोली साढे ३ बजे नेपालगन्ज रंगशालामा प्रतियोगिता हुने छ । प्रदेशस्तरमा उत्कृष्ट प्रदर्शन गर्दै फाइनलसम्म पुगेका दुवै टोली केन्द्रिय उपाधिका लागि मैदानमा उत्रने भएका छन् ।
नेपालगन्जको सगरमाथा इङ्लिस बोर्डिङ सेकेण्डरी स्कुलले प्रतियोगिताको क्रममा बाँके जिल्लाका ३२ वटा टोलीलाई पछि पार्दै जिल्ला प्रथम बन्न सफल भएको थियो । जिल्ला तहमा उत्कृष्ट प्रदर्शन गरेको सगरमाथा स्कूलले त्यसपछि लुम्बिनी प्रदेशस्तरीय चरणमा दाङमा भएको खेलमा मेचीकाली सेकेण्डरी स्कुललाई पराजित गर्दै प्रदेश स्तरिय विजेता भएको थियो । लगातार उत्कृष्ट प्रदर्शन गर्दै फाइनलमा प्रवेश गरेको सगरमाथा घरेलु मैदानमा उपाधि जित्ने लक्ष्यसहित मैदानमा उत्रने तयारीमा छ ।
अर्कोतर्फ गुरुकुल विद्या सदन, गण्डकी पनि प्रतियोगितामा प्रभावशाली प्रदर्शन गर्दै फाइनलमा पुगेको टोली हो । दुवै टोलीमा १८ वर्षमुनिका प्रतिभाशाली खेलाडीहरूको सहभागिता रहेकाले फाइनल प्रतिस्पर्धात्मक र रोमाञ्चक हुने अपेक्षा गरिएको सगरमाथा इङ्लिस बोर्डिङ सेकेण्डरी स्कुलका एमडी कौशलराज पाण्डेयले जानकारी दिए ।
भोलीको फाइनल खेलले लुम्बिनी प्रदेशको अण्डर–१८ फुटबलमा नयाँ च्याम्पियनको लागि गण्डकी र लुम्बिनी बीच हुने छ भने पर्सि विहीवार सुदुरपश्चिम र गण्डकी बीच प्रतिस्पर्धा हुने छ । विजेता टिम बीच पुनः फाइनल खेलका लागि प्रतिस्पर्धा हुनेछ । ३ टिम बीच हुने प्रतिस्पर्धाका विजयी टिमले काठमाण्डौमा केन्द्रिय स्तरको खेल खेल्न पाउने छ ।
प्रतिक्रिया