अछाम । अछाममा अरिङ्गालको टोकाइबाट एक जनाको मृत्यु भएको छ भने एक घाइते भएका छन् । पञ्देवल बिनायक नगरपालिका–८ बारालाका ३ वर्षीय शमिर जैशीको मृत्यु भएको प्रहरीको भनाइ छ ।
सोहि ठाउँकी १८ वर्षीया राधा जैशी घाइते भएकी छन् । दुबै जनालाई बुधबार घर नजिकै घाँस काट्नेक्रममा अरिङ्गालले टोकेको थियो ।
शमिरलाई त्यहीको स्थानीय स्वास्थ्यचौकी बारालाले उपचार पश्चात अवस्था सामान्य रहेको भन्दै घर पठाएको थियो । शमिरको घरमै मृत्यु भएको हो । घाइते किशोरीलाई भने थप उपचारको लागि जिल्ला अस्पताल अछाममा पठाएको जिल्ला प्रहरी कार्यालय अछामले जानकारी दिएको छ ।
प्रतिक्रिया