गयरातीको भूकम्पले जाजरकोट र रुकुम पश्चिममा ठुलो धनजनको क्षति

बुटवल । राती ११ः४७ बजे गएको भूकम्पमा परि पश्चिम नेपालको कर्णाली प्रदेशमा ठुलो जनधनको क्षेति भएको छ । भूकम्पमा परि एकजना जनप्रतिनिधि सहित ठुलो संख्यामा स्थानीयको मृत्यु भएको समाचारहरु आइरहेका छन् । भूकम्पका परि गम्भीर घाइते भएकी जाजरकोटको नलगाड नगरपालिकाकी उप प्रमुख सरिता सिंहको मृत्यु जनाएएको छ ।

जाजरकोटको सदरमुकाम खलंगामा रहेकी सिंह भूकम्पमा भत्केको संरचनामा परि गम्भिर घाईते भएकी थिईन् । उनको उपचारका क्रममा मृत्यु भएको स्थानीय अधिकारीहरुले पुष्टि गरेका छन् ।

पछिल्लो समााचार अनुसार भूकम्पबाट सबैभन्दा बढी रुकुम पश्चिममा क्षति भएको छ । रुकुम पश्चिम्मा मात्रै करिब २८ भन्दा बढिको ज्यान गएको स्थानीय पत्रकार गोपाल उपाध्यायले जनाएका छन् ।

भुकम्पमा परि अहिले सम्म रूकुमको आठविसकोट नगरपालिकामा कम्तिमा १४ जनाको मृत्यु भएको छ भने रुकुमकै सानीभेरीमा ८ जनाको ज्यान गएको छ।

रूकुमको आठविसकोट नगरपालिकाका उपप्रमुख धनकुमारी शाहीका अनुसार वडा नम्बर ११ मा सबैभन्दा बढी सात जनाको मृत्यु भएको छ भने वडा नम्बर १२ मा चार जना र वडा नम्बर १३ मा तीन जनाको मृत्यु भएको छ ।

त्यसैगरी जाजरकोटको भेरी नगरपालिकामा ९ जनाको मृत्यु भएको खबर छ। सानीभेरी गाउपालिका अध्यक्ष बिर्ख बहादुर बिष्काट अनुसार सानीभेरीमा ५० भन्दा बढी घर भत्केका छन् भने अधिकांश सडकहरु भत्केका छन् ।

त्यसैगरी भेरी नगरपालिकामा भुकम्पले दर्जनौं घर भत्केका छन् भने अहिले सम्म ९ जनाको मृत्यु भएको छ ।

नगरप्रमुख चन्द्रप्रकाश घर्तीका अनुसार जाजरकोट जिल्ला अस्पताल घाइतेहरूले भरिएको छ । सयौंको संख्यामा जिल्ला अस्पतालमा घाइतेहरू छन् । रातको समय भएका कारण उद्धारमा कठिनाई भएको र धेरैको ज्यान गएको हो। राती अवेर सम्म भेरी नगरपालिकाका वडा नम्बर ३ र ४ बाहेक अन्यत्र उद्धार टोली जान नसकेको बताइएको छ ।

चौरजहारी नगरपालिका अन्तर्गत विभिन्न वडाबाट भुकम्पमा परी घाईतेभएका हरुको ईलाका प्रहरी,नगर प्रहरीको टोलीले उद्धारगरी चौरजहारी अस्पतालमा उपचार गराईरहेका छन।गम्भीर घाइतेहरुलाई थप उपचारको लागि ३ वटा एम्बुलेन्स मार्फत सुर्खेत, नेपालगन्ज पठाईएको बताइएको छ ।

जाजरकोटमा यो संख्याको तेब्बर भन्दा बढिको संख्यामा ज्यान गएको अनुमान छ। यस्तो अबस्थामा हामी सङग भएका नाईट भिजन हेलिकप्टरहरु प्रयोगमा ल्याएको भए सायद कतिपयको ज्यान जोगिन सक्ने अबस्था हुन्थ्यो होला । दैबिक बिपद र यसको प्रतिकार्य प्रती सम्बन्धित निकाय गम्भीर बन्नु जरुरी छ ।