कपिलवस्तु । कपिलवस्तु जिल्ला कोरोनाको उच्च जोखिममा रहेको भन्दै भदौ ७ गतेसम्म निषेधाज्ञा थप गरेको छ ।
यसअघि जिल्ला प्रशासन कार्यालय कपिलवस्तुले कोरोनाको उच्च जोखिममा रहेको भन्दै २७ साउनदेखि आज मध्यराति १२ बजे सम्मका लागि निषेधाज्ञा जारी गरेको थियो ।
तर जोखिम अझै पनि कायम गरेको भन्दै भदौ ७ गतेसम्म निषेधाज्ञा जारी गरिएको कपिलवस्तुका प्रमुख जिल्ला अधिकारी दीर्घनारयाण पौडेलले जानकारी दिए ।
निषेधाज्ञा जारी भएपनि अति आवश्यक वस्तुहरु ढुवानी, खाद्यान्य, तरकारी, फलफुल, दूध, पेट्रोलियम पदार्थ, ग्याँस, औषधि पानी, दानाहरुका सवारी साधन भने चल्न दिइने उनले बताए ।
पछिल्लो समय समुदायस्तरमा कोरोना देखिएकाले निषेधाज्ञाको अवधिमा चिया पसल, खाजा घर, रेष्टरेन्ट, होटल, उद्योग धन्दा, कलकारखना, बैंकहरु बन्द गरेर सहयोग गर्न समेत उनले आग्रह गरे ।
प्रतिक्रिया