वीरगन्ज । नेपाली कांग्रेसका केन्द्रीय सदस्य रमेश रिजालले कोरोना अहिले विकास भन्दा जनताको स्वास्थ्य प्रमुख विषय भएको बताएका छन् ।
बिहिवार स्थानीय पत्रकारहरूसँग कुरा गर्दै कांग्रेसका केन्द्रीय सदस्य रमेश रिजालले भाइरसको संक्रमणबाट बचाउनका लागि सरकारले विकासे बजेट नभै जनता बचाउने बजेट ल्याउनुपर्ने बताए ।
रिजालले कोरोना भाइरसको संक्रमणको बेला अहिले जनतालाई औषधि, उपचार र राहत चाहिएको बताए ।
वीरगन्जमा साधारण बिमारी भएका ५/६ जना मानिसलाई कुनै अस्पतालले उपचार नगरेपछि एक अस्पतालबाट अर्को अस्पताल चहार्दै ज्यान गुमाउनु परेकोमा उनले आक्रोश पोख्दै भने, ‘त्यसैले अहिले जनतालाई उपचार मात्रै चाहिएको छ ।’
कम्युनिष्ट नेताहरू यस्तो माहामारीको समयमा पनि सत्ता र कुर्सीको लोभमा पर्नु लज्जाजनक भएको नेता रिजालको टिप्पणी थियो ।
कांग्रेस नेता रिजालले निषेधाज्ञा र लकडाउनबाट समस्यामा परेका गरिब, अति विपन्न र मजदुरहरूलाई दुई छाक खाना खान समेत समस्या भएको भन्दै उनीहरूलाई सरकारले अबिलम्ब राहत दिनुपर्ने माग गरे ।
उनले साना ठूला उद्योगी व्यवसायीको ब्यापारी व्याज, कर्जा र कर मिनाहा गर्नुपर्ने माग पनि राखे ।
प्रतिक्रिया