काठमाडौँ, २६ फागुन स् यही फागुन २१ गते सम्पन्न प्रतिनिधिसभा सदस्यको निर्वाचनअन्तर्गत समानुपातिक प्रणालीतर्फको केही क्षेत्रको मात्र मतगणना बाँकी रहेकाले बुधबार बिहानसम्म परिणाम प्राप्त हुने निर्वाचन आयोगले जनाएको छ ।
सङ्खुवासभा, धनुषा निर्वाचन क्षेत्र नं. १, गोरखा निर्वाचन क्षेत्र नं. १ र २, लगायत केही क्षेत्रको मात्र मतगणना बाँकी रहेको निर्वाचन आयोगका सहायक प्रवक्ता कुलबहादुर जिसीले जानकारी दिए । यी क्षेत्रमा अहिले मतगणना जारी रहेकाले बुधबार बिहानसम्म समानुपातिकतर्फ अहिले पनि सबै क्षेत्रको मत परिणाम सार्वजनिक गर्ने गरी तयारी गरिएको उनले सुनाए ।
समानुपातिकतर्फ अहिलेसम्म एक करोड छ लाख ५९ हजार ८५४ मतगणना भइसकेको आयोगले जनाएको छ । पहिलो हुने निर्वाचित हुने प्रणालीतर्फको भने मतगणना यसअघि नै भइसकेको छ ।
पछिल्लो परिणाम अनुसार राष्ट्रिय स्वतन्त्र पार्टीले ५१ लाख १२ हजार २८८ मत प्राप्त गरेको छ भने नेपाली काँग्रेसले
१७ लाख ३५हजार ९०३ प्राप्त गरेको छ । त्यसैगरि नेपाल कम्युनिष्ट पार्टी (एमाले)ले १४ लाख ४३ हजार २९५ मत पाउँदा नेपाली कम्युनिष्ट पार्टीले ७ लाख ९५ हजार ४१० मत पाएको छ ।
त्यस्तै श्रम संस्कृति पार्टीको ३ लाख ७६ हजार ६६१ मत र राष्ट्रिय प्रजातन्त्र पार्टीले ३ लाख २८ हजार ६७४ मत प्राप्त गरेको छ ।
प्रतिक्रिया