काठमाडौं । शंकरलाल अग्रवाल थुनामुक्त भएका छन् । सम्पत्ति शुद्धीकरण विभागका प्रमुख गजेन्द्र ठाकुरका अनुसार शुक्रबार पक्राउ परेका अग्रवालको बयान आइतबार सकिएपछि उनलाई रिहा गरिएको हो ।
ठाकुरले भने, “शंकरको हकमा हामीले बयान सकेर छाडेका हौँ, उहाँलाई राख्नुपर्ने देखिएन ।” यद्यपि, अग्रवालका छोरा सुलभ अग्रवाल लाई भने थुनामै राखेर अनुसन्धान अघि बढाइएको छ । सुलभ आइतबार विभागको सम्पर्कमा पुगेका थिए ।
विभागले सुलभमाथि थप अनुसन्धान आवश्यक रहेको निष्कर्ष निकाल्दै उनलाई हिरासतमा राख्ने निर्णय गरेको जनाएको छ ।
प्रतिक्रिया