काठमाडौं । काठमाडौंको बिष्णुमती खोलाको किनारमा ठुलो परिमाणको हतियार फेला परेका छन् । जिल्ला प्रहरी परिसर काठमाडौंको टोलिले बिष्णुमति खोला किनारबाट चार थान पेस्तोल र ५८ राउण्ड गोली फेला पारेको हो ।
जिल्ला प्रहरी परिसर काठमाडौंका एसएसपी रमेश थापाले काठमाडौं महानगरपालिका–१५ शोभाभगवतीस्थित बिष्णुमति खोला किनारबाट चार थान पेस्तोल र ५८ राउण्ड गोली बरामद गरिएको जानकारी दिए । उनले पेस्तोल र गोलीका साथै ७ थान म्यागजिन पनि भेटिएको बताए ।
उनका अनुसार बरामद पेस्तोल टाइप-५४ को रहेको र साथमा सोही पेस्तोलको ७ थान म्यागजिन पनि भेटिएको हो । एकै स्थानमा ९ एमएम बेरेटा पेस्तोलको गोली ५८ राउण्ड बरामद भएको प्रहरीले जनाएको छ ।
महानगरपालिका र प्रहरीको सरसफाइ टोलीले सफा गर्ने क्रममा आइतबार बिहान उक्त पेस्तोल र गोली फेला परेको हो । उक्त हतियार जेनजी आन्दोलनको क्रममा प्रहरीबाटै लुटिएको हुनसक्ने प्रारमभीक आशंका गरिएको छ ।
प्रतिक्रिया