काठमाडौं । बैंकिङ कसुरसम्बन्धी मुद्दामा फरार रहेका व्यवसायी तथा शंकर ग्रुपका अध्यक्ष शंकर अग्रवाल पक्राउ परेका छन् । नेपाल प्रहरीको केन्द्रीय अनुसन्धान ब्युरो (सीआईबी)ले उनलाई बुधबार काठमाडौंको डिल्लीबजार क्षेत्रबाट पक्राउ गरेको हो ।
सीआईबीका प्रमुख तथा अतिरिक्त प्रहरी महानिरीक्षक (एआईजी) उमाप्रसाद चतुर्बेदीका अनुसार अग्रवाललाई पक्राउ गरी आवश्यक कानुनी प्रक्रिया पूरा गर्दै अदालतमा उपस्थित गराउने तयारी गरिएको छ ।
अग्रवालविरुद्ध बैंकिङ कसुरसम्बन्धी मुद्दा दर्ता भएपछि उनी फरार रहेका थिए । प्रहरीले पक्राउपछि मुद्दासम्बन्धी थप अनुसन्धान अघि बढाइएको जनाएको छ ।
प्रतिक्रिया