बुटवल । बुटवलबाट रिभल्वर र गोली सहित एकजना पक्राउ परेका छन् । बुटवल उप-महानगरपालिका वडानं. ९ स्थित नयाँबसपार्क ईलाकाबाट आधुनिक रिभल्वर र गोलीसहित १ जना पक्राउ परेका हुन् ।
पक्राउ पर्नेमा मकवानपुर बागमती गाउँपालिका वडा नं. ९ बस्ने २६ वर्षिय रेशम तुङसिङ मगर रहेको प्रहरीले जनाएको छ । विशेष सूचनाको आधारमा बुटवल उप-महानगरपालिका वडानं. ९ स्थित नयाँबसपार्क ईलाकामा शंकास्पद रुपमा हिडडुल गरी रहेका तुङसिङ मगरलाई कानुन बमोजिम खानतलासी गर्दा निजको साथबाट रिभल्वरको गोली १ थान फेला परेको तथा प्रारम्भिक अनुसन्धान पश्चात उनको बासस्थानबाट रिभल्वर १ थान र त्यसमा लाग्ने थप गोली ५ थान बरामद भएको रुपन्देही प्रहरी प्रवक्ता डीएसपी कृष्ण कुमार चन्दले बताए ।
पक्राउ परेका मगरलाई हातहतियार खरखजना मुद्धामा अदालतबाट आज ५ दिनको म्याद लिएर थप अनुसन्धानकार्य जारी रहेको डीएसपी चन्दले बताए ।
प्रतिक्रिया