काठमाडौं । प्रधानमन्त्री केपी शर्मा ओली माथि पार्टी निर्णय मान्न र अध्यादेश फिर्ता गर्न चौतर्फी दवाव बढेपछि ओली आफै सम्बादका लागि दौडाहा सुरु गरेका छन् । आज बिहनै ब्रेकफाष्ट वार्ताका लागि प्रचण्ड भेट्न खुमलटार पुगेका थिए भने खुमलटारबाट सिधै गृहमन्त्री रामबहादुर थापा ‘बादल’ भेट्न मन्त्रीनिवास पुल्चोक पुगेका छन् ।
खुमलटारमा करिव २ घण्टा बिताएका ओलीले गृहमन्त्री थापालाई भेट्न मन्त्री निवास पुल्चोक पुगेको प्रधानमन्त्रीका प्रेस सल्लाहकार सुर्य थापाले पुष्टि गरेका छन् । अध्यक्ष प्रचण्डसँगको भेटवार्तामा पार्टी उपाध्यक्ष बामदेव गौतमको पनि सहभागी रहेको थापाले जानकारी दिए ।
पार्टी भित्रको अन्तरसंघर्ष चर्कंदै गएको र प्रचण्ड माधव समूहले दबाब बढाउँदै लगेपछि ओली आफै भेटवार्ताका लागि निस्केका हुन् ।
प्रतिक्रिया