बझाङ । बझाङमा खुँडा प्रहार गरि एक युवकको हत्या भएको छ ।
मंगलबार बझाङ जिल्लाको छबिसपाथिभेरा गाउँपालिका वडा नम्बर ३ का अमृत सिंहको खुँडा प्रहार गरि हत्या भएको हो ।
उनीमाथि विद्यालय व्यवस्थापन समितिको चुनाव सकेर फर्किने क्रममा खुँडा प्रहार भएको जिल्ला प्रहरी कार्यालय बझाङका प्रमुख तथा प्रहरी नायव उपरिक्षक रुपक खड्काले बताए ।
गाउँपालिकाको वडा नम्बर ३ मा रहेको बन्नीचौर माध्यामिक विद्यालयको व्यवस्थापन समितिको चुनाव सकेर घर फर्किने क्रममा विवादपछि खुँडा प्रहार गर्दा सिंहको ज्यान गएको उनले बताए ।
खुँडा प्रहार गर्ने मध्येका एक जना सोही गाउँपलिका वडा नम्बर २ का ज्ञानबहादुर कडायत पक्राउ परेका छन् भने खुँडा बरामद गरिएको प्रहारीले जनाएको छ ।
खुँडा प्रहार गर्ने मध्येका अर्का युवक प्रकाश एैडी भने फरार रहेकाले उनको खोजी कार्य भइरहेको बताइएको छ । विद्यालयमा भएको समितिको निर्वाचनमा कांग्रेस र नेकपा निकट दुई प्यानल बनेका थिए ।
कांग्रेस निकट प्यानल निर्वाचित भएको थियो । हत्या गरिएका सिंह तरुण दलका सदस्य समेत हुन ।
प्रतिक्रिया