काठमाडौं । नेपाली काँग्रेसका वरिष्ठ नेता रामचन्द्र पौडेलले संवैधानिक निकायमा भएको नियुक्तिबारे पार्टी धारणा बनाउन अबिलम्ब केन्द्रीय समिति बैठकको माग गरेका छन् ।
वरिष्ठ नेता पौडेलले सामाजिक यसबारे पार्टी सभापति शेरबहादुर देउवाको ध्यानाकर्षण गराएको पनि जनाएका छन् ।
काँग्रेस जस्तो जिम्मेवार लोकतान्त्रिक पार्टीले स्पष्ट धारणा तय गर्न तत्काल पार्टीको केन्द्रीय समितिको बैठक बोलाउन आवश्यक रहेको सामाजिक सञ्जालमार्फत जानकारी समेत गराएका छन् ।
पौडेलले भनेका छन्,
देशमा एकपछि अर्को राजनीतिक घटनाक्रम विकसित भईरहेका छन् । संसद छलेर ल्याइएको अध्यादेशको आवरणमा संवैधानिक नियकायमा भएका असंवैधानिक नियुक्ती त्यसैको पछिल्लो कडी हो ।
यस्तो अवस्थामा नेपाली काँग्रेस जस्तो जिम्मेवार लोकतान्त्रिक पार्टीले एउटा स्पष्ट धारणा तय गर्न तत्काल पार्टीको केन्द्रीय समितिको बैठक बोलाउन आवश्यक छ । मैले पार्टी सभापति शेरबहादुर देउवालाई केन्द्रीय समिति बैठक तत्काल बोलाएर आवश्यक छलफल गर्न भनेको छु ।
प्रतिक्रिया