पोखरा । आफु विरुद्ध अविश्वासको प्रस्ताव सामना गरिरहेका गण्डकी प्रदेशका मुख्यमन्त्री पृथ्वी सुब्बा गुरुङले मन्त्रिपरिषद विस्तार गरेका छन् ।
गुरुङले मनाङबाट निर्वाचित स्वतन्त्र सांसद राजीव गुरुङलाई युवा तथा खेलकुद मन्त्री बनाएका छन् । प्रदेशसभाभित्र संसदीय अंकगणितको खेल उल्ट्याउन गुरुङले दिपक मनाङे भनेर चिनिने गुरुङलाई मन्त्री बनाएका हुन् ।
प्रदेशसभामा निर्णायक पोजिशनमा रहेको राष्ट्रिय जनमोर्चाका एक सांसद खिमविक्रम शाही बुधबार अचानक वेपत्ता भएपछि उनको खोजीका लागि भन्दै प्रदेशसभा बैठक नै स्थगित भएको थियो ।
शाहीकै दल र विपक्षी कांग्रेस माओवादी केन्द्रले सत्तापक्षबाट शाहीलाई प्रभावमा पारिएको आरोप लगाएका छन् । यद्यपी, शाहीले बिहीबार एक विज्ञप्ति जारी गर्दै आफु अचानक बेहोस भएपछि अस्पताल आएको र आफु पार्टीको नीतिप्रति प्रतिवद्ध भएको जनाएका छन् ।
प्रतिक्रिया