बाँकेको कोहलपुरमा बाबुले गरे छोराको हत्या

नेपालगन्ज । बाँकेको कोहलपुरमा बाबुले छोराको हत्या गरेका छन् । कोहलपुर १२ चप्परगौडिका आज करिव ९ बजेको समयमा बाबुले छोरोलाई घरेलु हतियार प्रहार गरि हत्या गरेको प्रहरीले जनाएको छ । चप्परगौडी बस्दै आएका ठाकुर प्रसाद ओलीले अन्दाजी १८ बर्षका आफ्नै छोरा पोषण ओलीको बुधबार राति हत्या गरेको ईलाका प्रहरी कार्यालय कोहलपुरका प्रहरी निरिक्षक होम प्रकाश चौधरीले बताएका छन् ।

घरमा नहुाईरहेका बेला खसी काट्ने घरेलु हतियारले पछाडिबाट हानेर छोराको हत्या गरेको स्थानीयले बताएका छन् । खसी काट्ने दापले प्रहार गरेपछि गम्भीर घाईते भएका छोरोलाई भेरी अस्पताल नेपालगन्ज पु¥याए लगत्तै अस्पतालले मृत घोषणा गरिदिएको थियो ।

घरयासी झगडाका कारण हत्या भएको हुन सक्ने प्रहरीले प्रारम्भिक अनुमान गरेको छ । हत्या गर्ने बाबू ठाकुर ओलीलाई कोहलपुर प्रहरीले घरबाटै नियन्त्रणमा पक्राउ गरेको छ ।