काठमाडौ । आजबाट देशमा पश्चिमी वायुको प्रभाव रहने छ। मौसम पूर्वानुमान महाशाखाका अनुसार हाल देशको पूर्वी पहाडी भू–भागमा आँशिक बदली रही बाँकी भू–भागमा मौसम सामान्यतया सफा रहेको छ।
आज दिउँसो देशको पश्चिमी भू–भागमा आंशिकदेखि सामान्य बदली र मध्य र पुर्वका पहाडी भू–भागमा आंशिक बदली रही बाँकी भू–भागमा मौसम सामान्यतया सफा हुने महाशाखाले जनाएको छ ।
आज राती देशको पश्चिमी भू–भागमा सामान्य बदली, मध्य र पुर्वका पहाडी भू–भागमा आंशिक बदली रही बाँकी भू–भागमा मौसम सामान्यतया सफा हुने देखिन्छ।
पश्चिमी भू–भागका केही स्थानहरुमा र मध्य र पुर्वका पहाडी भू–भागका एक दुई स्थानमा मेघ गर्जन र हावाहुरी सहित वर्षा हुन सक्ने महाशाखाले जनाएको छ।
हिमाली भू–भागका केही स्थानमा हल्का हिमपातको सम्भावना रहेको छ ।
प्रतिक्रिया