काठमाडौं । राष्ट्रपति विद्यादेवी भण्डारीले गण्डकी र लुम्बिनी प्रदेशमा दुई जना नयाँ प्रदेश प्रमुख नियुक्त गरेकी छन् । आज (मंगलबार) बसेको मन्त्रिपरिषदको सिफारिसमा लुम्बिनी र गण्डकी प्रदेशका बहालवाला प्रदेश प्रमुखलाई पद मुक्त गर्दै नयाँ प्रदेश प्रमुख नियुक्त गरेकी हुन् ।
मन्त्रिपरिषद्को मंगलबार बसेको बैठकले दुई प्रदेशका प्रदेश प्रमुखलाई पदमुक्त गर्दै गण्डकीमा पृथ्वीमान गुरुङ र लुम्बिनीमा अमिक शेरचनलाई नियुक्त गर्न सिफारिस गरेको थियो । राष्ट्रपति भण्डारीले आजैबाट गण्डकी प्रदेशका प्रदेश प्रमुख सिता कुमारी पौडेल र लुम्बिनी प्रदेशका प्रदेश प्रमुख धर्मनाथ यादवलाई पदमुक्त गर्दै गुरुङ र शेरचनलाई प्रदेश प्रमुखमा नियुक्त गरेकी हुन् ।
नेपालको संविधानको धारा १६३ को उपधारा (२) बमोजिम दुई जना महानुभावलाई प्रदेश प्रमुखमा नियुक्त गरेको विज्ञप्तिमा उल्लेख गरिएको छ ।
प्रतिक्रिया