काठमाडौं । राजनीतिक दल विभाजन सम्बन्धी अध्यादेश ल्याए लगत्तै प्रधानमन्त्री शेरबहादुर देउवाले राष्ट्रपति विद्यादेवी भण्डारीसँग भेट गरेका छन् ।
बालुवाटारमा मन्त्रिपरिषद् बैठक सकेलगत्तै देउवा राष्ट्रपति भेट्न शितल निवास पुगेका छन् । अध्यादेश जारी गर्नका लागि राष्ट्रपतिसमक्ष पठाइसकिएको छ।
देउवाले अध्यादेश तत्काल जारी गर्न राष्ट्रपति समक्ष आग्रह गर्ने अनुमान गरिएको छ । तर, आफ्नै पूर्व पार्टी र अहिलेसम्म पनि सोही पार्टीका लागि शुभचिन्तकको हैसियतमा रहेकी राष्ट्रपति भण्डारीले एमाले विभाजन हुनेगरी ल्याइएको अध्यादेश तत्कालै जारी गर्नेमा भने आशंका जनाइएको छ ।
आज बसेको मन्त्रिपरिषद बैठकले राजनीतिक दल सम्बन्धी अध्यादेश पास गरेको थियो।
प्रतिक्रिया