बुटवल । रुपन्देहीका दुई दुग्ध संकलन डेरी ब्यवसायीलाई पुशु पालनको क्षेत्रमा योगदान दिएको भन्दै बिहीबार काठमाण्डौमा सम्मान गरिएको छ ।
पशु, पशुजन्य तथा दुग्ध उत्पादन, संकलन तथा वितरणको क्षेत्रमा उल्लेखनीय कार्य गरेको भन्दै नेपाल पशु स्वास्थ्य सेवा प्राविधिक संघ काठमाण्डौ (नेल्टा) ले रुपन्देही देवदह नगरपालिकाका हिराबहादुर खत्री र अप्सरा खत्रीलाई नेल्टा सम्मानले सम्मान गरेको हो ।
नेल्टाको दोस्रो राष्ट्रिय महाधिवेशनको अवसरमा ब्यवसायीद्वय खत्रीलाई सम्मानपत्र र दोसल्ला ओडाएर सम्मान गरिएको छ । अधिवेशनको उद्घाटन कार्यक्रममा नेपाली कांग्रेसका सभापति शेरबहादुर देउवा, बरिष्ठ नेता रामचन्द्र पौडेल, शेखर कोईराला लगायतले शिव गंगा डेरी उद्योग भलुहीका संचालक हिराबहादुर खत्री र गोधुली डेरी सप्लायर्स प्रालि रुपन्देहीका संचालक अप्सरा खत्रीलाई सम्मानपत्र र दोसल्ला ओडाएर सम्मान गर्नु भएको हो ।
खत्री देवदह नगरपालिकाका नगरप्रखुम समेत हुनुहुन्छ । नेल्टाको अधिवेशन तीन दिनसम्म चल्ने छ ।
प्रतिक्रिया