६ जेष्ठ २०८२, मंगलबार | May 21, 2025

नेकपा सचिवालय बैठक बालुवाटारमा सुरु : माधव नेपालको अर्थपूर्ण अनुपस्थिति !



काठमाडौ । नेपाल कम्युनिष्ट पार्टी (नेकपा)को सचिवालय बैठक प्रधानमन्त्री निवास बालुवाटारमा सुरु भएको छ ।

केहीबेरअघि सुरु बैठकमा पार्टी एकताका बाँकी काम, राष्ट्रियसभामा यसअघि सचिवालयले गरेको निर्णय र संसारभर फैलिएको कोरोना भाइरसको महामारीको अवस्थाबारेमा छलफल हुने स्रोतले जनाएको छ ।
राष्ट्रियसभामा सरकारको सिफारिसमा राष्ट्रपतिबाट मनोनित हुने एक जनामा उपाध्यक्ष बामदेव गौतम वा अर्थमन्त्री युवराज खतिवडा भन्ने टुंगो लगाउने विषयमा पनि छलफल हुने स्रोतको भनाइ छ ।
प्रधानमन्त्री ओलीले खतिवडालाई निरन्तर अर्थमन्त्रीको रुपमा राख्न चाहेकाले बामवेद पनि राष्ट्रियसभामा जाने र खतिवडालाई पनि निरन्तरता दिनमिल्ने कुनै अर्को विकल्पमा पनि छलफल हुने स्रोतको दावी छ ।

माधव नेपालको अर्थपूर्ण अनुपस्थिति !

सचिवालय बैठकमा नेकपा वरिष्ठ नेता माधवकुमार नेपाल अनुपस्थित रहनुभएको छ । उहा रुपन्देहीमा आयोजित कार्यक्रममा भाग लिनका लागि त्यसतर्फ जानुभएको छ । उहाको सचिवालयले पर्सिमात्रै नेपाल काठमाडौं फर्किने जानकारी दिएको छ ।

नेपालको सचिवालयका अनुसार लुम्बिनीमा आयोजित कार्यक्रम पूर्वनिर्धारित कार्यक्रम हो । त्यसैले नेपाल कार्यक्रममा भाग लिनका लागि त्यसतर्फ जानुभएको हो ।

तर सचिवालयका एक सदस्यले भने नेपालको अनुपस्थिति अर्थपूर्ण रहेको बताएका छन् । उनले भने, ‘पार्टी एकीकरणका सबै विषय टुंगो लगाउने र यसअघिका निर्णय कार्यान्वयन गर्ने बेलामा वरिष्ठ नेता नेपालको अनुपस्थितिलाई अर्थपूर्णरुपमा लिनुपर्छ । सचिवालय बैठकका लागि कार्यक्रम स्थगित वा भोलि सार्न सकिन्थ्यो ।’

प्रकाशित मिति : ५ चैत्र २०७६, बुधबार  ४ : ३१ बजे

चौरजहारीमा आयोजित जनसभा मध्य पहाडी लोकमार्ग अभियानकै उत्कट : प्रचण्ड

रूकुम । नेकपा (माओवादी केन्द्र)का अध्यक्ष एवं पूर्वप्रधानमन्त्री पुष्पकमल दाहाल

विश्व पौडेल गभर्नरमा नियुक्त

काठमाडौं । सरकराले नेपाल राष्ट्र बैङ्कको गभर्नरमा अर्थविद् डा विश्वनाथ

गभर्नरका लागि विश्व पौडेलको नाम एक नम्वरमा सिफारिस

काठमाडौं । गभर्नर सिफारिस समितिले प्राडा विश्वनाथ पौडेलको नाम एक

विश्व पौडेल विरुद्ध रिट दर्ता नगर्ने आदेश सदर

काठमाडौं। सर्वोच्च अदालतले डा विश्व पौडेललाई गभर्नर बन्ने रोक नहुने

नवलपुरमा बस र माइक्रो ठोक्किदा ९ जना घाइते, ५ को अवस्था गम्भीर

नवलपुर। नवलपुरको गैँडाकोट नगरपालिका–९ थुम्सीमा बस र माइक्रोबस एक आपसमा