काठमाडौ । नेपाल कम्युनिष्ट पार्टी (नेकपा)को सचिवालय बैठक प्रधानमन्त्री निवास बालुवाटारमा सुरु भएको छ ।
माधव नेपालको अर्थपूर्ण अनुपस्थिति !
सचिवालय बैठकमा नेकपा वरिष्ठ नेता माधवकुमार नेपाल अनुपस्थित रहनुभएको छ । उहा रुपन्देहीमा आयोजित कार्यक्रममा भाग लिनका लागि त्यसतर्फ जानुभएको छ । उहाको सचिवालयले पर्सिमात्रै नेपाल काठमाडौं फर्किने जानकारी दिएको छ ।
नेपालको सचिवालयका अनुसार लुम्बिनीमा आयोजित कार्यक्रम पूर्वनिर्धारित कार्यक्रम हो । त्यसैले नेपाल कार्यक्रममा भाग लिनका लागि त्यसतर्फ जानुभएको हो ।
तर सचिवालयका एक सदस्यले भने नेपालको अनुपस्थिति अर्थपूर्ण रहेको बताएका छन् । उनले भने, ‘पार्टी एकीकरणका सबै विषय टुंगो लगाउने र यसअघिका निर्णय कार्यान्वयन गर्ने बेलामा वरिष्ठ नेता नेपालको अनुपस्थितिलाई अर्थपूर्णरुपमा लिनुपर्छ । सचिवालय बैठकका लागि कार्यक्रम स्थगित वा भोलि सार्न सकिन्थ्यो ।’
प्रतिक्रिया