काठमाडौ । अहिले नेपालमा मौसममा प्रभाव पार्ने उल्लेखनीय मौसमी प्रणालीको सक्रियता देखिएको छैन ।
मौसम पूर्वानुमान महाशाखाका अनुसार आज देशका पूर्वी र पश्चिमी पहाडी भू–भागका केही स्थानहरूमा आंशिक बदली रहेको छ।
आज दिउँसो देशको पहाडी भू–भागमा आंशिक बदली रही बाँकी भू–भागमा सामान्यतया मौसम सफा रहने महाशाखाले जनाएको छ।
अपरान्ह पछि पहाडी भू–भागका एक दुई स्थानहरुमा मेघ गर्जन र चट्याङ्गसहित हल्का वर्षाको सम्भावना रहेको मौसम पूर्वानुमान महाशाखाले जनाएको छ ।
आज राती देशको पुर्वी पहाडी भू–भागमा आंशिक देखि सामान्य बदली रही मध्य र पश्चिमी पहाडी भू–भागमा आंशिक बदली रहने छ।
महाशाखाका अनुसार बाँकी भू–भागमा सामान्यतया मौसम सफा रहनेछ ।
प्रतिक्रिया