सैनामैना । तिनाउ मिशन डेभलपमेण्ट बैंकको सैनामैना नगरपालिकामा रहेको शाखाहरुले सैनामैना नगरपालिकाले स्थापना गरेको कोरोना नियन्त्रण, रोकथाम तथा राहत कोषमा खाद्यान्न सहयोग गरेका छ ।
बिश्वमा महामारीको रुपमा फैलिएको (कोभिड-१९) कोरोना भाईरसको नियन्त्रणका लागि नेपाल सरकारले मुलुकभरी लकडाउन रहेको छ । कोरोना संक्रमणको समयमा विभिन्न गरिब तथा विपन्न वर्गहरुलाई जिविकोपार्जन गर्नका लागि असहज रहेको परिस्थितिमा नगरपालिकामार्फत खाद्यान्न सामग्री प्रदान गरेको हो ।
सोही अभाब र समस्या लाई मध्यनजर गरेर सैनामैना नगरपालिका ले स्थापना गरेको कोरोना नियन्त्रण रोकथाम तथा राहत कोषमा तिनाउ मिसन डेभलपमेन्ट बैंक लि अन्तर्गत सैनामैना मा रहेका साखा कार्यालयहरु मुर्गिया, रामापुर र बासगढी ले आज एक कार्यक्रम को बिच सैनामैना नगरपालिकाका नगर प्रमुख श्री चित्र बहादुर कार्कीलाई शाखा प्रमुखहरु कृष्ण कृष्ण प्रसाद घिमिरे, गणेश पौडेल र सशिधर घिमिरेले एकमुस्ट खाद्यान्न तथा दैनिक उपभोग्य सामाग्री सहयोग गरेको तिनाउ मिसन डेभलपमेन्ट बैंक लि मुर्गिया शाखाका शाखा प्रमुख कृष्ण प्रसाद घिमिले बताउनुभयो ।
प्रतिक्रिया