काठमाडौ । अन्तर्राष्ट्रिय तथा आन्तरिक हवाई सेवा मे १५ (जेठ २ गते) सम्म स्थगित राख्ने निर्णय भएको छ ।
कोरोना भाइरस रोकथाम, नियन्त्रण तथा उपचार उच्चस्तरीय समितिको आज बसेको बैठकले सो निर्णय गरेको हो ।
यसअघि वैशाख १८ गतेसम्मका लागि हवाई सेवामाथि रोक लगाइएको थियो । प्रधानमन्त्री कार्यालयका सचिव नारायण बिडारीका अनुसार आज बसेको समितिको बैठकले जेठ २ (मे १५) सम्मका लागि सबैखाले उडानलाई लकडाउनमा नै राख्ने निर्णय गरेको हो ।
सचिव विडारीले लकडाउन कति दिन थप्ने या नथप्ने भन्ने तय मन्त्रिपरिषद बैठकले तय गर्ने जानकारी दिनुभयो ।
प्रतिक्रिया