बुटवल । रोल्पामा बम विष्फोट हुँदा चार जना बालबालिकाको मृत्यु भएको छ । रोल्पाको त्रिवेणी गाउँपालिका ७ मा बेवारिसे बम पड्किँदा चार बालबालिकाको मृत्यु भएको प्रदेश प्रहरी कार्यालयले पुष्टी गरेको छ ।
प्रदेश ५ प्रहरी कार्यालयका प्रमुख प्रहरी नायव महानिरिक्षक[DIG] रबिन्द्र सिंह धानुकले घटनास्थलमा रोल्पाको होलेरी र जुनारबाट प्रहरी टोली पठाइएको भएपनि बिस्तृत जानकारी नआईसकेको बताए।
बेबारिसे बम बिष्फोट भएर बालबालिकाको मृत्यु भएको सूचना आए लगत्तै प्रहरी पठाईएको डिआईजी धानुकले बताए । प्रहरीका अनुसार मृत्यु हुनेहरुमा ५ वर्षीय विजय खत्री, ११ वर्षीया विमला खत्री, ११ वर्षीय गौरव नेपाली र १३ वर्षीय नेखीराम डाँगी छन् ।
त्रिबेणी गाउँपालिका अध्यक्ष शान्तकुमार ओलीले बाख्रा चराएर घर फर्किरहेका बालबालिका बम बिस्फोटमा परेको बताएका छन् ।
प्रतिक्रिया