बुटवल । रुपन्देहीको भैरहवाबाट ठुलो परिणाममा नक्कली भारतीय नोट सहित २ जना पक्राउ परेका छन् । सिद्धार्थनगर नगरपालिका वडा नं. १२ बाट नक्कली नोट सहित २ जना भारतीय नागरिक पक्राउ परेका हुन् ।
पक्राउ पर्नेहरुमा भारत उत्तर प्रदेश सिद्धार्थनगर सोहरतगढ बस्ने २१ वर्षिय अभिषेक कसौधन र भारत महाराष्ट्र बस्ने २४ वर्षिय यश बाउसाहेब ब्राम्हण रहेका छन् । उनीहरुबाट भारतिय नक्कली नोट ५०० दरको १४० थान, विभिन्न कम्पनीका मोबाईल २ थान र भारतीय आधार कार्ड २ थान बरामद भएको प्रहरीले जनाएको छ ।
भारतीय नक्कली नोटको कारोबार भईरहेको छ भन्ने बिशेष सूचनाको आधारमा वडा प्रहरी कार्यालय भैरहवाबाट प्रहरी निरीक्षक मान बहादुर बि.सी.को कमाण्डमा खटिएको प्रहरी टोलीले नक्कली नोट सहित उनीहरुलाई पक्राउ गरेको हो । पक्राउ परेका दुबैजनालाई अदालतबाटदिन ५ म्याद थप अनुसन्धान कार्य जारी रहेको रुपन्देही प्रहरी प्रवक्ता डीएसपी कुष्ण कुमार चन्दले बताए ।
प्रतिक्रिया