२१ फाल्गुन २०८०, सोमबार | March 4, 2024

कोभिड–१९ बाट सबैभन्दा बढी क्षति पर्यटन क्षेत्रमा : पर्यटनमन्त्री भट्टराई



काठमाण्डौ । सन १९५३ मे २९ मा साहसी आरोही तेञ्जिङ नोर्गे शेर्पा र सर एडमन्ड हिलारीले पहिलो पटक सफल आरोहण गरेको दिन पारेर आजको दिनलाई सन २००८ यता अन्तर्राष्ट्रिय सगरमाथा दिवस मनाउने गरिएको छ ।

लकडाउनका कारण यसवर्ष समान्य कार्यक्रम गरेर पर्यटन मन्त्रालयले १३ औं अन्तराष्ट्रिय सगरमाथा दिवस मनाएको छ । दिवसकै अवसरमा आयोजित कार्यक्रममा बोल्दै संस्कृति, पर्यटन तथा नागरिक उड्डयन मन्त्री योगश भट्टराईले सरकारले पर्यटन क्षेत्रको पुर्नउत्थानका लागि राहत र सहुलियतका प्याकजेहरु ल्याएको बताउनुभयो ।

कोरोना भाइरस (कोभिड–१९) बाट सबैभन्दा बढी क्षति पर्यटन क्षेत्रमा भएको र सरकारले छिट्टै पूर्ववत अवस्थामा फर्काउने प्रयास गरिरहेको मन्त्री भट्टराईले बताउनुभयो ।

मन्त्री भट्टराईले सरकारले बजेटमार्फत देशको अर्थतन्त्रको आकार, बाध्यता र क्षतिको अवस्था अनुरुप राहत र सहुलियतका प्याकेजहरु ल्याएको बताउनुभयो । उहाँले सरकारले बजेटमार्फत ल्याएको राहत र सहुलियतबाट पर्यटन व्यवसायिहरु उत्साहित भएको विश्वास समेत व्यक्त गर्नुभयो ।

उहाँले पर्यटन क्षेत्रको विकासका लागि नीतिगत सुधार गर्न लागिएको बताउनुभयो । आरोहणको क्षेत्रमा भएका समस्या समाधान गर्ने र थप रोजगारी सिर्जना गर्नेगरी पर्यटन ऐन ल्याउन लागिएको मन्त्री भट्टराईले बताउनुभयो । उहाँले पर्यटन तथा पर्वतारोहण अध्ययन प्रतिस्ठानको अवधारणा अनुरुप पर्यटन विश्व विद्यालय सञ्चालन गर्ने गरी ऐन ल्याउन लागिएको समेत जानकारी दिनुभयो ।

सन १९५३ देखि सन २०१९को अन्त्य सम्म कुल ६ हजार ५ सय १ जनाले सगरमाथाको सफल आरोहण गरेका छन् । त्यस मध्ये ३ हजार ४ सय ७८ जना नेपाली नागरिक रहेका छन् । यो अवधि सम्म नेपालले विभिन्न हिमालको आरोहणबाट ५६ करोड रुपैयाँ बढी रोयल्टी प्राप्त गरेको छ भने सगरमाथाबाट मात्रै करिब ४५ करोड रुपैयाँ प्राप्त गरेको छ ।

प्रकाशित मिति : १६ जेष्ठ २०७७, शुक्रबार  ३ : ५६ बजे

यस्तो छ संसद्मा दर्ता भएको सङ्घीय निजामती सेवा विधेयक

काठमाडौं । सङ्घीय निजामती सेवाको गठन, सञ्चालन र सेवाका सर्त

चार दलबीच आठ बुँदे सहमति, राष्ट्रियसभाको अध्यक्ष माओवादी र उपाध्यक्ष एमालेलाई

काठमाडौं । नवगठित सत्ता गठबन्धनबीच ८ बुँदे सहमति भएको छ

ग्लोबल आइएमईका दुईवटा नयाँ शाखा रहित बैंकिङ्ग सेवा सञ्चालनमा

काठमाडौ । ग्लोबल आइएमई बैंक लिमिटेडले थप २ स्थानबाट शाखा

कोटेश्वर पुगेर माधव नेपालको स्वास्थ्यलाभको कामना गरे प्रधानमन्त्री प्रचण्डले

काठमाडौं। नेकपा एकीकृत समाजवादीका अध्यक्ष माधवकुमार नेपाललाई भेट्न प्रधानमन्त्री पुष्पकमल

नेपालले भूटानलाई हरायो

काठमाडौं । साफ यू-१६ महिला च्याम्पियनशिप फुटबल प्रतियोगितामा नेपालले भूटानलाई