कलाकार जयनेन्द्र चन्द ठकुरीको निधन

बाठमाण्डौं । वरिष्ठ कलाकार जयनेन्द्र चन्द ठकुरीको निधन भएको छ । उहाको आज निधन भएको हो । आफ्नै घर बागडोलमा उहाको बिहान ११ बजेर २० मिनेटमा निधन भएको चलचित्र कलाकार संघका अध्यक्ष रविन्द्र खड्काले जानकारी दिनुभयो ।

कलाकार ठकुरीको ८० बर्षको उमेरमा निधन भएको हो । उहाको आजै पशुपति आर्यघाटको विद्युतिय शव गृहमा अन्त्येष्टी गरिदैछ ।

उहा आफ्नो छोरीको साथमा रहँदै आउनुभएको थियो । लामो समयदेखि प्यारालाइसिस रोगका कारण थलिनुभएका ठकुरीलाई सुगर लगायतको रोग समेत थियो ।

स्व।कलाकार ठकुरीले ‘एक्का ट्रायल, पर्खी बसे, दुई पल, अंगरक्षक, माया बैगुनी, चाँदनी, चोर, ज्वाला, देउकी, अधिकार’ लगायत तीन दर्जन बढी नेपाली चलचित्रमा अभिनय गर्नुभएको ठकुरीले केही सिरियलमा समेत काम गर्नुभएको छ । चार दशक भन्दा लामो समयदेखि उहा कलाकारितामा सक्रिय रहनुभएको थियो ।

उहाप्रति हाम्रो पनि  हार्दिक श्रद्धाञ्जली