बाजुरामा मृत्यु भएकी बालिकालाई पनि कोरोना संक्रमण पुष्टि

धनगढी । बाजुरामा मृत्यु भएकी दुई वर्षीय बालिकालाई पनि कोरोना भाइरस पुष्टि भएको छ ।

बाजुराको बुढीगंगा नगरपालिका वडा नं. १ घर भएकी ती बालिका केही दिन अघि आमाबाबुसँगै ८ दिनअघि भारतबाट नेपाल आएकी थिइन ।

सुदूरपश्चिम स्वास्थ्य निर्देशनालयका निर्देशक डाक्टर गुणराज अवस्थीले मृतक बालिकाको कोरोना रिपोर्ट पोजेटिभ आएको बताउनुभयो ।
भारतबाट फर्किने क्रममा बालिकालाई ज्वरो आउने, बान्ता हुने समस्या देखिएको थियो ।

नेपाल प्रवेश गरेपछि उनीहरूलाई घुरालसैना माविको क्वारेन्टिनमा राखिएको थियो । क्वारेन्टिनमा रहँदा सामान्य औषधि गर्दा पनि सञ्चो नभएपछि १५ गते उनलाई जिल्ला अस्पताल बाजुरामा भर्ना गरिएको थियो । अस्पताल ल्याउँदा नै बालिकामा कडा निमोनिया थियो ।