१४ आश्विन २०७९, शुक्रबार | September 30, 2022

जव सीडीओ आफै निषेधाज्ञा पालना गराउन सडकमा निस्के……….



नेपालगन्ज । सरुवा भएर बांके पुगेको भोलिपल्ट जिल्लालाई निषेधाज्ञा लगाउने निर्णय गरेका बांकेका प्रमुख जिल्ला अधिकारी रामबहादुर कुरुम्बाङ निषेधाज्ञा कार्यान्वयन गर्न आफै सडकमा निक्लिएका छन् । स्थानीय प्रशासनले जारी गरेको निषेधाज्ञा स्थानीयबासीले टेरपुच्छर नलगाएपछि प्रमुख जिल्ला अधिकारी आफै सडकमा निस्केका हुन् ।

बांकेमा अघिल्लो प्रमुख जिल्ला अधिकारी कुमार बहादुर खड्का हुंदा पनि निषेधाज्ञा जारी गरेका थिए । उनको निषेधाज्ञा पनि नेपालगन्जबासीले टेरेनन् । प्रशासनको निषेधाज्ञा कागज मै सिमीत भयो । बजार, सडक, ब्यापार ब्यवसाय कुनै पनि रोकिएन ।

अकडाउन पालना खटिएका प्रहरीमाथि ढुंगामुढा गर्ने, प्रहरीको गाडी टोडफोड गर्ने, क्वारेन्टाईनबाट संक्रमित भगाउने देखि संक्रमित लिन गएको एम्बुलेन्सलाई अवरोध पु¥याउने जस्ता कामहरु बांकबाटै सुरु गरियो । स्थानीयले आइसोलेसन बनाउन अवरोध गर्दै कोहलपुरका जस्तो सचेत नगरबासीले सडकमा आगो बाले र जुलुस निकाले । बांकेकै सिको गरेर पछि पछि रौतहट, सिराहा तिर पनि संक्रमित भगाउने, एम्बुलेन्स अवरोध गर्ने जस्ता कार्यहरु गरेको देखियो ।

अराजक जमातले राज्यको हरेक निर्णहरुको धज्जी उडाउने क्रम नरोकिएकै अवस्थामा बांकेमा गृह मन्त्रालयले नयां सीडीओ बांकेमा पठायो । सेनाको लेप्टेन पद त्याग गरेर निजामती सेवामा प्रवेश गरेका कडा मानीएका सिडीओ रामबहादुर कुरुम्वाङ बांके पुगेको भोलिपल्ट सिङ्गो जिल्लामा लागु हुने गरि निषेधाज्ञा लगाए । निषेधाज्ञाकै बिच नयां सीडीओ कोरोनाको माहामारी फैलिएको नरैनापुर र राप्ती सोनारी अवलोकनमा आफै पुगे । बिना बिश्राम कुरुम्वाङ लगातार सैनिक शैलीमै कुदिरहेका छन् । यद्देपी नरैनापुरमा भने अघिल्लो सिडीओले नै निषेधाज्ञा लगाउंदै सेना परिचालन गरिसकेका थिए ।

राप्ती सोनारी र नरैनापुर पुगेपछि कुरुम्वाङको प्रतिक्रिया आयो बांकेका क्वारेन्टाइन जेल जस्तो । हो , सिडीओ साहेवले भने जस्तै बांके सहित तराईका सीमावर्ती क्षेत्रमा स्थानीय तहले बनाएका अधिकांस क्वारेन्टाइन जेल जस्तै छन् । टिनको छानामुनी ४३ डिग्री तापक्रममा बस्नु ख्यालठट्टा हनै सक्दैन । न इन्टरनेट, न टेलिभिजन न बिजुली । खानाको जोहो नहुंदा घरबाट खाना ओसार्नुपर्ने र बिद्युतको सुबिधा नहुंदा लामखुट्टेको टोकाई सहनुपर्ने क्वारेन्टाइन बस्नेहरुको पिडा देखेर नै होला सिडीओ साहेवले क्वारेन्टाइनलाई जेलको संज्ञा दिए ।

आज उनी आफै बजारमा लकडाउन र निषेधाज्ञाको अनुगमन गर्न निस्के । प्रहरी प्रमुख एसपी बीरबहादुर ओली सहित खजुरा पुगेका सिडीओले सडकमा न त लकडाउन देखे न निषेधाज्ञा । सयांैको संख्यामा मानीसहरु खरिदबिक्रिका लागि बजारमा निस्केका थिए । निर्बाध सवारीसाधन गुडेका थिए र अनावश्यक काममा पनि सडकमा स्थानीयको जमघट थियो ।

बांकेका प्रहरी प्रमुख एसपी ओली धेरैजसो स्थानीय बिनाकाम सवारी साधन लिएर सडकमा निस्केको र कारण बिना बाटोमा हिंडेको पाएको बताउंछन् । प्रहरीलाई नटेर्ने र स्थानीय तहले समन्वय नगरिदिने पिडा बांकेका प्रहरी प्रमुखले सुनाई नै रहन्छन् । २ हप्ता अगाडी नरैनापुरबाट संक्रमित ल्याउन अवरोध गर्दा र कोहलपुरको पिपरीमा आईसोलेसन बनाउन स्थानीयले बाटो छेक्दा स्थानीय पालिकाका प्रमुखहरुले फोन स्विच अफ गरेर बसेको पिडा प्रहरी प्रमुख ओलीले अमिलो मान्दै सुनाउंछन् ।

निषेधाज्ञा र लकडाउनको अवस्था हेर्न सडकमा निस्केका प्रमुख जिल्ला अधिकारीले सडकमा ८० प्रतिशत स्थानीय अनावश्यक काममा निस्केको बताउंछन् । श्रीमती पु¥याउन, पाहुना खान, कपाल काट्न जस्तो बहानामा स्थानीयले निषेधाज्ञा र लकडाउन उल्लंघन गर्ने गरेको प्रजिअ कुरुम्वाङको भनाई छ । पहिलेदेखि नै फितलो ब्यवस्थापन भएको तथा थिति बिग्रेको अवस्था रहेको आफुले पाएको बताउंदै उनले भोली देखि नै प्रशासनले कडाई गर्ने जानकारी दिए । क्वारेन्टाईनमा इन्टरनेट, बिद्युत र समय बिताउने साधान नहुंदा क्यारेन्टाइनमा बसेकाहरु समस्यामा परेको बताउंदै कुरुम्वाङले त्यसैका कारण क्वारेन्टाइनबाट भाग्ने गरेको स्पष्ट पारे ।

उता बांकेका ब्यवसायीहरुले भने निषेधाज्ञा र लकडाउन खुकुलो नबाउने हो भने ब्यवसायीहरु सडकमा उत्रने अवस्था आएको बताएका छन् । महिनौ ब्यापार ब्यवसाय बन्द हुंदा खाने बस्ने कै समस्या उत्पन्न भएको भन्दै उचित ब्यवस्थापन नभए ब्यवसायीहरुले बिद्रोह गर्नुको बिकल्प नरहेको नेपालगन्ज उद्योग बाणिज्य संघका अध्यक्ष अब्दुल वाहिद मन्सुरी बताउंछन् । दिन फरक पारेर सामाजिक दुरी कायम गर्दै ब्यवसाय चल्न दिनुपर्ने अध्यक्ष मन्सुरीको माग छ ।

बांकेमा १८९ संक्रमित पुष्टी भएकोमा २८ जना निको भएर घर फर्केका छन् ।

फोटो सौजन्य नरेश श्रेष्ठ

प्रकाशित मिति : १८ जेष्ठ २०७७, आइतबार  ५ : ०३ बजे

Pakistani PM hails China for timely flood relief aid

ISLAMABAD: Pakistani Prime Minister Shahbaz Sharif has appreciated China and

मोहमद हत्यामा सङ्लग्न रहेको आरोपमा पक्राउ तीन जनालाई प्रहरीद्वारा सार्वजनिक

काठमाडौंको कागेश्वरी मनोहरा नगरपालिका–८ गोठाटारस्थित एडभेञ्चर इन्टरप्राइजेज गार्मेन्ट उद्योगका सञ्चालक

अध्यादेशमार्फत निजी क्षेत्रलाई विद्युत् व्यापार अनुमति दिने सरकारको तयारी

काठमाडौं । सरकारले विद्युत् व्यापारलाई थप मार्ग प्रशस्त गर्ने लक्ष्यका

निर्वाचन आयोगको निर्णय विरुद्ध उत्रियो प्रेस चौतारी

काठमाडौं । प्रेस चौतारी नेपालले आसन्न निर्वाचन लक्षित निर्वाचन आयोगको

चाडपर्वमा विद्युत् सेवा प्रवाहमा कमजोरी हुन नदिन ऊर्जामन्त्रीको निर्देशन

काठमाडौं । ऊर्जा, जलस्रोत तथा सिँचाइमन्त्री पम्फा भुसालले चाडबाडको समयमा