५ नम्बर प्रदेश पनि कोभिड १९ बाट अछुतो रहेन, एकै दिन २ जना संक्रमित भेटिए

बुटवल । कोरोना भाइरसबिगत २ दिन शान्त भएको कोरोना कहर आज फेरी चलमलाएको छ । अहिले सम्म कोरोना भाइरस मुक्त रहेको प्रदेश नम्बर ५ मा एकै दिनमा २ जना संक्रमीतको पुष्टी भएपछि प्रदेशमा खतराको घण्टी बजेको छ ।

स्वास्थ्य तथा जनसंख्या मन्त्रालयले बिज्ञप्ती प्रकाशित गर्दै बांके र रुपन्देहीमा १-१ जनामा संक्रमण पुष्टी भएको जनाएको छ । बिज्ञप्तीमा रुपन्देहीका २५ बर्षिय पुरुष र बांकेका ६० बर्षिय पुरुषमा संक्रमण देखिएको उल्लेख गरिएको छ ।

आज गरिएको पिसिआर परिक्षणमा बांकेमा १ जना र रुपन्देहीको एक जनाको स्वावको नमुना परिक्षण गर्दा पोजेटिभ नतिजा आएको हो । आज बिहानै संक्रमणको पुष्टी भए लगत्तै बांके र रुपन्देहीमा स्थानीय प्रशासन सम्बद्धहरुको आकस्मिक बैठक बसेको थियो ।

नेपालगन्जका बिभिन्न धार्मिक संस्थाहरुमा बस्ने ११ जनाको स्वाको नमुना लिईएकोमा १ जनाको पोजेटिभ नतिजा आएको थियो । बांके र रुपन्देहीमा थपिए सँगै संक्रमित हुनेको संख्या ५९ पुगेको छ । दुवै जनाको स्वास्थ्य अवस्था सामान्य रहेको र उनीहरु चिकित्सकको निगरानीमा रहेको मन्त्रालयले जनाएको छ ।