नेपालगन्ज । बाँकेको नेपालगञ्जमा सांझ थप ६ जनामा कोरोना संक्रमण पुष्टि भएपछि संक्रमितको संख्या १५ पुगेको छ । स्वास्थ्य तथा जनसंख्या मन्त्रालयको बिज्ञप्तीका अनुसार भेरी अस्पतालमा गरिएको परीक्षणमा थप ६ जनामा कोरोना संक्रमण देखिएको हो ।
शुक्रबार मात्र १ जना संक्रमितले खाता खोलेको नेपालगन्जमा आइतबार मध्यान्ह ९ जनामा कोरोना संक्रमण भएको मन्त्रालयले जानकारी दिएको थियो । शुक्रबार नेपालगञ्ज उपमहानगरपालिकाका ६० वर्षका एक व्यक्तिमा कोरोना संक्रमण पुष्टि भएको थियो ।
संक्रमित ब्यक्तिको कन्ट्याक ट्रेसिङ गरेर ९० जनाको स्वाब संकलन गरी परीक्षणका लागि प्रयोगशाला लगिएको थियो । तीमध्ये परीक्षण भइसकेको नमुनामा अहिलेसम्म १५ जनामा कोरोना संक्रमण पुष्टि भएको छ । नेपालगन्जमा मात्र संक्रमितको संख्या १६ पुगेको छ । पछिल्लो संक्रमितहरुमा १६, २१ र ३४ वर्षका पुरुष तथा ४०,५५ र ६० बर्षिया महिला रहेको स्वास्थ्य तथा जनसंख्या मन्त्रालयले जनाएको छ ।
याे सहित देशभर संक्रमितकाे संख्या ७५ पुगेकाे छ।
मन्त्रालयका अनुसार नेपालगन्जको प्रयोगशालामा पाँच पुरुष र ४ जना महिलामा कोरोना संक्रमण पुष्टि भएको बताएका थिए।
देशभरका संक्रमितमध्ये १६ जना निकाे भएर घर फर्केका छन्।
प्रतिक्रिया