२१ फाल्गुन २०८०, सोमबार | March 4, 2024

दुई अध्यक्षबीच छलफलपछि स्थायी कमिटी बैठक आह्वान : अध्यक्ष प्रचण्ड



काठमाडौं । नेकपा अध्यक्ष प्रचण्डले दुई अध्यक्षबीच छलफलपछि छिट्टै स्थायी कमिटी बैठक आह्वान गर्ने बताउनुभएको छ ।

संघीय संसद भवनमा कोरोना भाइरसको स्वाव चेकजाँच गर्न पुग्नुभएका अध्यक्ष प्रचण्डले बिहीबारको बैठक गृहकार्य नपुगेका कारण स्थगित भएको बताउँदै छिट्टै बैठकको मिति तोकिने बताउनुभएको हो । अध्यक्ष एवं प्रधानमन्त्री ओलीसँगको छलफल सकिएलगत्तै एक दुई दिनमै बैठक डाकिने उहाँले प्रष्ट पार्नुभयो । अध्यक्ष प्रचण्डले भन्नुभयो, ‘अलि गृहकार्य नपुगेकै हो । दुबै अध्यक्षले बैठक एक दुई दिन भित्र बोलाउँछौँ ।’

बुधबार प्रधानमन्त्री निवासमा बसेको सचिवालय बैठकले एजेण्डामा सहमति गर्न नसकेपछि तयारी नपुगेको भन्दै स्थायी कमिटी बैठक नयाँ मिति नतोकी स्थगित गरिएको थियो ।

बैठक स्थगित गरिएपछि प्रचण्ड-नेपाल निकट असन्तुष्ट स्थायी कमिटी सदस्यहरुले पार्टी कार्यालयमा आज छलफल गरेका थिए ।

प्रधानमन्त्री ओली भने आगामी बजेट अघि बैठक बसाल्न अनिच्छुक देखिनुभएको छ ।

अध्यक्ष प्रचण्डले आजै संसद्सको सभाहल अनुगमन पनि गर्नुभएको छ । ‘पहिले एक सिट छोडेर बस्ने भन्ने थियो तर अहिले दुई सिट छोडेर बस्न मिल्ने बनाइएको छ । प्रधानमन्त्रीका लागि २ वटा रो नै छोड्ने र माथि पनि प्रयोग गर्ने बनाउनुभएको छ । स्यानिटाइजेसन गरेर राम्रोसँग स्वास्थ्य सुरक्षाका उपाय अपनाइएको छ । ढुक्कसँग बैठक बस्ने वातावरण बनेको छ ’ – अनुगमनपछि प्रचण्डले भन्नुभयो ।

कोरोना भाइरसको सन्त्रासका कारण संसदको हिउँदे अधिवेशन अन्त्य भएको थियो । बजेट अधिवेशन सुरु हुनु अघि संसद भवन र बैठककक्षलाई सुरक्षित बनाउन संसद सचिवालयले तयारी गरेको छ ।

 

प्रकाशित मिति : २५ बैशाख २०७७, बिहिबार  ४ : ३६ बजे

नेपालले भूटानलाई हरायो

काठमाडौं । साफ यू-१६ महिला च्याम्पियनशिप फुटबल प्रतियोगितामा नेपालले भूटानलाई

कांग्रेसका मन्त्री धनराज गुरुङ्गले छाडे सरकारी निवास

काठमाडौं । प्रधानमन्त्री पुष्पकम दाहाल प्रचण्डले गठबन्धन छाडेर नेकपा एमालेसँग

शीतलनिवासमा नवनियुक्त ३ मन्त्रीको सपथ

काठमाडौं । नयाँ सत्ता समीकरण बनेपछि नियुक्त गरिएका नयाँ मन्त्रीहरुको

नारायणगढ–बुटवल सडक खण्डको अवरोध अझै हटेन

नवलपरासी । पूर्व–पश्चिम राजमार्गअन्तर्गत नवलपरासी–बर्दघाट सुस्तापूर्वको दाउन्ने क्षेत्रमा आइतबार साँझदेखि

पाकिस्तानमा भारी वर्षाका कारण ३६ जनाको मृत्यु, ४१ घाइते

इस्लामाबाद । पाकिस्तानको राष्ट्रिय विपद् व्यवस्थापन प्राधिकरण ९एनडिएमए० ले फेब्रुअरी