काठमाडौं । नेपाली भूमि अतिक्रमण गरेको विरोधमा काठमाडौंका विभिन्न स्थानमा आइतबार पनि प्रदर्शन भएको छ ।
भारतले नेपाली भूमि मिचेर तिब्बत जोड्ने सडक बनाएको समाचार सार्वजनिक भएपछि लकडाउनकैबीचमा पनि भारतको विरोधमा प्रदर्शन भएको हो ।
मोहन वैद्य नेतृत्वको नेकपा (क्रान्तिकारी माओवादी) निकट विद्यार्थीहरुले नयाँ बानेश्वरस्थित संसद् भवन अगाडि पुगेर विरोध प्रर्दशन गरेका छन् ।
निषेधित क्षेत्रमा प्रदर्शन गर्ने १० जनालाई प्रहरीले नियन्त्रणमा लिएको छ ।
यस्तै भारतीय दूतावास अगाडिको लैनचौर चोकमा पनि विद्यार्थीहरुले प्रदर्शशन गरेका छन् ।
प्रतिक्रिया