बुटवल । भारतको एयर ईण्डीयाका पाँच पाईलटमा कोरोना भाइरसको संक्रमण देखिएको छ । नियमित उडान भर्नु ७२ घण्टा पहिले गरिने भाइरस परीक्षणमा उनीहरुलाई कोरोना भाइरस पोजेटिभ देखिएको भारतीय खबर पत्रिका अमर उजालाले लेखेको छ ।
एयर इण्डिया स्रोतका अनुसार संक्रमित पाईलटहरू हाल मुम्बईमा चिकित्सकहरुको निगरानीम राखिएको छ । केहिदिन अगाडी ती पाइलटहरूले कार्गो एयरक्राफ्ट लिएर चीनको लागि उडेका थिए। एयर इंडियाले उनीहरु चाईनाबाट फर्केको स्विकार गरेको छ ।
पछिल्लो समय भारतले एयर इण्डियाको जहाज चीनबाट मेडिकल समाग्री आपूर्तिका लागि पठाउने गरेको थियो।
पछिल्लो २४ घण्टामा भारतमा १२७ जनको मृत्यु :
भारतमा कोरोना भाइरसले संक्रमित बिरामीहरूको संख्या निरन्तर बढिरहेको छ । केन्द्रीय स्वास्थ्य तथा परिवार कल्याण मन्त्रालयले जारी गरेको तथ्यांकका अनुसार गत २४ घण्टामा ३२७७ नयाँ संक्रमित थपिएका छने भने १२७ जनाको मृत्यु भएको छ।
भारतमा कोरोना पोजिटिभको संख्या बढेर ६२९३९ पुगेको छ । भारतमा २ हजार १ सय ९ जनाको कोरोनाको कारण मृत्यु भएको छ ।
प्रतिक्रिया