काठमाडौं । कोरोना भाईरसको संक्रमणबाट जोगिन सरकारले लगाएको लगाएको लकडाउनका कारण खाना खानसमेत अप्ठेरोमा परेका व्यक्तिहरुलाई हिन्दू स्वयम् सेवक सघं परिवार र पशुपति गौशाला धर्मशालाले खाना वितरण कार्यलाई निरन्तरता दिएका छन् ।
हिन्दू स्वयंसेवक संघ नेपाल विचार परिवारका विभिन्न सङ्गठनहरुको सहयोग एवं समन्वयमा र श्री पशपति गौशाला धर्मशालाको व्यवस्थापनमा आइतबार पनि काठमाडौं उपत्यकाका विभिन्न स्थानमा खाना खुवाइएको छ ।
तीनकुने गैरीगाउँमा ५८६ जना , जैसिदेवाल र रामघाट २३५ जना, भक्तपुर जिल्लाको जडिबुटी मनोहरा सुकुम्बासी बस्तीमा १४ सय ८० जना, अनाम नगरमा ६० जना, सिफलमा १५० जना र काठमाडौं ओम् शान्ति चोकमा ७३० जना गरी ३२ सय ४४ जनालाई खाना खुवाइएको संघले जनाएको छ ।
लकडाउनको कारण घर जान नपाएकाहरुका परिवार, असाहय, गरिब परिवारहरुलाई सघंको केन्द्रीय कार्यालय गौरीघाट (केशव धाम)ले लकडाउनको तेस्रो दिनबाट खाना वितरण कार्य सुरु गरेको थियो । खाना वितरण कार्य लकडाउन अवधिभरि नै जारी रहने पनि जनाईएको छ ।
सघंले लकडाउनको पहिलो २० दिन पशुपति र गुह्यश्वरीमा मात्र खाना खुवाउँदै आएको थियो । तर, खाना खानेको संख्या बढ्दै जाँदा पशुपति गौशाला धर्मशालासँग समन्वय गरी हाल ८ ठाउँमा खाना वितरण गरिरहेको छ ।
प्रतिक्रिया