काठमाडौं । नेपाल कम्युनिस्ट पार्टी (नेकपा)को स्थायी कमिटी बैठक भोलि बुधबार बस्ने भएको छ ।
बुधबार बिहान पार्टी कार्यालय धुम्बाराहीमा ११ बजे बस्ने गरी स्थायी कमिटी बैठक बोलाइएको नेता देवेन्द्र पौडेलले बताउनुभयो ।
गत बैशाख २५ गते बोलाइएको बैठक त्यसको अघिल्लो दिन सचिवालय बैठक भाँडिएपछि स्थगित भएको थियो । बैठकमा कोरोनाको संक्रमण, भारतबाट भएको सीमा अतिक्रमण र सरकारको नीति तथा कार्यक्रमबारे छलफल हुने बताइएको छ ।
पार्टीभित्रको आन्तरिक विवादको विषयलाई पछि छलफल गर्ने गरी स्थायी कमिटी बैठक बोलाउन आफुहरुले नेतृत्वलाई सुझाव दिएको नेता पौडेले बताउनुभयो ।
स्थायी कमिटी बैठक भोलिबाट सुरु भए पनि बजेट पछि मात्र आन्तरिक विवादका विषयमा छलफल हुने गरी बैठक स्थगित गरिने नेकपाले तयारी गरेको छ ।
प्रतिक्रिया