काठमाडौं। काठमाडौं उपत्यकाका सर्वसाधारणको अग्रभागमा रहेर काम गर्ने सबैको कोरोना भाइरस परीक्षण गरिने भएको छ ।
जनसम्पर्कको पहिलो पङ्तीमा रहने स्वयंसेवक, तरकारी व्यापारी, पत्रकार, सुरक्षाकर्मी, स्वास्थ्यकर्मीको पहिलो चरणमा परिक्षण गरिने र क्रमस अन्य नागरिकको कोरोना परीक्षण गर्ने तयारी भइरहेको स्वास्थ्य सेवा विभागका महानिर्देशक महेन्द्र श्रेष्ठले जानकारी दिनुभयो ।
महानिर्देशक श्रेष्ठका अनुसार आजै देखि कोरोना परीक्षण थालिनेछ । शुरुमा कालीमाटी फलफूल तथा तरकारी बजारमा रहेका व्यापारीको परीक्षण गर्ने तयारी भइरहेको उहाँले बताउनुभयो ।
काठमाडौंमा १० हजार जनाको परीक्षणको तयारी गरिएको छ । परीक्षणमा यदि कसैलाई पोजेटिभ देखिए उसको ‘कन्ट्याक ट्रेसिङ’ गरेर पीसीआर गरिने तयारी मन्त्रालयले गरेको छ ।
प्रतिक्रिया