काठमाडौं । सरकारले कोरोना भाइरसको महामारी यस शताब्दीकै सबैभन्दा ठूलो संकट भएको जनाएको छ ।
संघीय संसदको दुवै सदनमा राष्ट्रपति विद्यादेवी भण्डारीले सरकारको नीति तथा कार्यक्रम सम्बोधन गर्दै कोरोना भाइरसको संकट यस शताब्दीकै विश्वव्यापी संकट भएको बताउनुभएको हो ।
राष्ट्रपति भण्डारीले कोरोना भाइरसका कारण नेपालभित्र कुन पनि ज्यान जाने अवस्था आउन नदिन सरकार दृढतापूर्वक लागेको पनि जनाउनुभएको छ ।
देशलाई कोरोनामुक्त बनाउनु सरकारको पहिलो प्राथमिकता भएको बताउँदै भण्डारीले त्यसका लागि सरकारले कोरोना संक्रमणको परीक्षण ब्यापक बनाउने, औषधि उपकरण र चिकित्सक लगायत स्वास्थ्यकर्मीको पर्याप्त व्यवस्था र परिचालन गरिने जनाउनुभयो ।
प्रतिक्रिया