सेनालाई पनि छाडेन कोरोना संक्रमणले

काठमाडौं । नेपालमा पहिलो पटक नेपाली सेनामा कार्यरत दुई जनालाई कोरोनाभाइरस संक्रमण पुष्टि भएको छ ।

पीसीआर परीक्षणमा सेनाका दुई कर्मचारीमा कोरोना पुष्टि भएको सैनिक प्रवक्ता विज्ञानदेव पाण्डेले जानकारी दिनुभएको छ ।

पाण्डेका अनुसार उनीहरु मध्य पृतना महोत्तरीमा कार्यरत रहेका थिए । उनीहरुलाई एम्बुलेन्समार्फत काठमाडौं ल्याउन लागिएको र काठमाडौं ल्याइसकेपछि सशस्त्र प्रहरीको कोरोना विशेष अस्पतालमा राखिने बताईएको छ ।

आजको नियमित प्रेस ब्रिफिङमा स्वास्थय मन्त्रालयले महोत्तरीका ५२ र काभ्रेका २६ वर्षीय पुरुषमा कोरोनाभाइरस संक्रमण पुष्टि भएको जनाएको थियो । उनीहरु नै सेनामा कार्यरत भएको खुलेको हो ।

यससँगै नेपालमा कोरोनाभाइरस संक्रमितको संख्या २७८ पुगेको छ ।