काठमाडौं । सरकारले विदेशमा समस्यामा रहेका नेपाली नागरिकको उद्दार गर्ने तयारी सुरु गरेको छ ।
कोभिड–१९ सम्बन्धी उच्चस्तरीय समन्वय समितिको आइतबारको बैठकमा भारत तथा तेस्रो मुलुकमा समस्यामा रहेका नेपालीहरुको उद्दार गर्ने विषयमा छलफल भएको छ ।
उच्चस्तरीय समितिमा स्थलमार्ग हुँदै भारतबाट तीन हजार र हवाई मार्गबाट तीन हजार नेपाली ल्याउने प्रस्ताव पेश भएको छ । सचिवस्तरीय कार्यदलले समितिमा पेश गरेको प्रस्तावमा रोजगारी गुमाएका, आमामाफी पाएका, विद्यार्थीहलाई पहिलो प्राथमिकतामा राखिने जनाइएको छ ।
उद्दार गरेर ल्याएकाहरुलाई अनिवार्य क्वारेन्टाइनमा राखिनेछ । यसको खर्च भने आफैले व्यहोर्नुपर्नेछ । क्वारेन्टाइनमा रहेको समयमा कोरोनापरीक्षण नेगेटिभ आए मात्र उनीहरु घर जान पाउनेछन् ।
प्रतिक्रिया