कोरोना संक्रमणबाट मृत्यु भएकी महिलाको परिवारका ५ सदस्यको रिपोर्ट नेगेटिभ

काठमाडौं । कोरोना भाइरसको संक्रमणका कारण मृत्यु भएकी सिन्धुपाल्चोक बाह्रबिसेकी युवतीको परिवारका सदस्यहरुलाई
कोरोना संक्रमण नभएको पुष्टि भएको छ ।

२९ वर्षीया युवतीको नवजात शिशु र उनको श्रीमानसहित परिवारका ५ सदस्यमा कोरोना संक्रमण नदेखिएको धुलिखेल अस्पतालले जनाएको छ ।

युवतीलाई संक्रमण भएको पुष्टि भएलगत्तै परिवारका सदस्यहरुलाई आइसोलेसनमा राखेर स्वाव परीक्षण गरिएको थियो ।

गत बिहीबार ती युवतीको मृत्यु भएको थियो ।