५ श्रावण २०८१, शनिबार | July 20, 2024

काठमाडौं उपत्यका प्रवेश नाका पूर्ण सिल, काठमाडौं आउन आरडीटी रिपोर्ट देखाउनुपर्ने



काठमाडौं । गृहमन्त्रालयले काठमाडौं उपत्यकाका सबै नाका सिल गर्न उपत्यकाका सबै प्रशासन र स्थानीय तहलाई निर्देशन दिएको छ ।

लकडाउन अवधिभर अत्यावश्यक बाहेकका काममा उपत्यका प्रवेशमा पूर्ण निषेध गर्ने पूर्व निर्णयलाई कार्यान्वयन गर्न गृहमन्त्रालयले उपत्यकाका सबै स्थानीय तहलाई निर्देशन दिएको हो ।

उपत्यकाका जनप्रतिनिधिसँग बुधबार भएको छलफलपछि गृहले प्रवेश निषेधको निर्णय गरीकार्यान्वयनमा ल्याउन लागेको हो ।

गृहमन्त्री रामबहादुर थापा बादलको अध्यक्षतामा जेठ १ गते बसेको बैठकमा उपत्यका नगरपालिका फोरमका पदाधिकारी, उपत्यकाको नाकासँग जोडिएका स्थानीय तहका प्रमुख–उपप्रमुख,उपत्यकाका प्रमुख जिल्ला अधिकारी र सुरक्षा निकायका प्रमुख सहभागी बैठकले सबै नाका सिल गर्ने निर्णय गरेको थियो ।

जेठ १ गतेको बैठकमा भएको छलफलको निर्णयलाई कार्यान्वय गर्न भन्दै गृहले उपत्यकाका सबै स्थानीय तहलाई यस्तो अनुरोध गरेसँगै अब उपत्यका प्रवेशमा थप कडाई हुने भएको छ ।

अब काठमाडौं उपत्यकामा अत्यावश्यक सेवाका लागि बाहेकका अन्य आवागमन निषेध हुनेभएको छ । लुकिछिपी हुने प्रवेशलाई समेत पूर्ण रुपमा रोक्न निर्देशन दिइएको छ ।

गृहको पत्रमा काठमाडौं उपत्यका प्रवेश विन्दुमा आइपुग्ने सवारी साधनहरु प्रवेश विन्दुमा पुग्नुपूर्व नै सुरु प्रस्थान जिल्लामा नै सुरक्षा निकायले विशेष निगरानीका साथ रोक्ने र आगमनमा कडाई गर्ने उल्लेख छ ।

‘काठाडौँ उपत्यकास्थित स्थानीय तहले स्थानीय प्रशासनको समन्वयमा लुकीछिपी उपत्यका प्रवेश गर्नेहरुको खोजी र लगत संकलन गरी आवश्यक कारवाही प्रक्रिया सुरु गर्ने,’ पत्रमा भनिएको छ, ‘सबै सुरक्षा निकायले उपत्यका प्रेश नाकाको चेकचाँच र निगरानीमा थप कडाई गर्ने, स्थानीय तहसँग समन्वय गर्ने ।’

काठमाडौं उपत्यकामा अत्यावश्यक काममा प्रवेश गर्नुपर्ने कुनै व्यक्तिले उपत्यका प्रवेश पूर्व नै स्वयं आफनो खर्चमा उपलब्ध भएसम्म आरडीटी परीक्षण गरी सो को रिपोर्ट साथ काठमाडौँ उपत्यका प्रवेश अनुमति भने माग गर्न सक्ने छुट दिइएको छ ।

काठमाडौँ उपत्यकाका सबै स्थानीय तहरुले स्थानीय प्रशासनसँग समन्वय गरी आ–आफ्नो क्षेत्रमा रहेका होटल, पार्टी प्यालेस, सामूदायिक भवन र अन्य संभाव्य स्थलहरुलाई क्वारेन्टायन बस्ने व्यक्ति स्वयंमले क्वारेनटाइन खर्च भुक्तानी गर्ने गरी स्म्भावित क्वारेन्टाइन प्रयोजनका लागि लागन संकलन र अन्य व्यवस्थापनको कार्य अगाडि बढाउने पनि निर्देशन दिइएको छ ।

प्रकाशित मिति : ८ जेष्ठ २०७७, बिहिबार  १ : १२ बजे

Airlines resume services after global IT crash wreaks havoc

PARIS: Airlines were gradually coming back online Saturday after global

रौतहटमा सालको गोलिया काठसहित सफारी गाडी बरामद

रौतहट । सशस्त्र प्रहरी र बन सुरक्षा टोलीले रौतहटको गुजारा

नारायणगढ-मुग्लिङ सडकअन्तर्गत भतेरीमा बस र तेल बोकेको ट्याङ्कर ठोक्किँदा १५ जना घाइते

नारायणगढ । चितवनको नारायणगढ–मुग्लिङ सडकअन्तर्गत पर्ने भतेरीमा बस र तेल

दोलखा भीमसेनलाई पसिना छुट्यो, अनिष्टको आशंकामा पूजाआरधना

दोलखा । दोलखाको प्रसिद्ध भीमेश्वर मन्दिरको शिलामा पसिना आएको छ

‘रातारात गरेको सात बुँदेमा के छ ?’- चित्रबहादुर केसी

बुटवल । राष्ट्रिय जनमोर्चाका अध्यक्ष चित्रबहादुर केसीले कांग्रेस र एमालेले